Leipomistalkoot Joulumyyjäissiin

Turtolan Koulunmäki Torniontie 148, Turtola

Leivoma porukalla Joulumyyjäissiin jouluherkkuja 8.-11.12. ti-pe. 🤶 Alama aina klo 12 ja lopetamma viimeistään klo 18. Ei tartte osata mithään, ko porukassa tehhään. Huikkaa Marja-Leenale tai Laurale milloinka pääsisit mukhaan. Tehhään yhessä lanttu- ja porkkanalaatikot, konjakkisinappia, taatelikakut, torttuja ja voinisuja, pullakransseja ja saaristolaisleipää.

Joulupuoti

Turtolan Koulunmäki Torniontie 148, Turtola

Turtolan Joulupuotista löyvät kyläyhistyksen hyväksi joulun leivonnaisia, leipiä ja laatikoita. Lisäksi myymä lahjatavaroita, käsitöitä ja askarteluja. Kahvia ja arpoja voipii kans ostaa. Yhistys tarjoaa vierailijoile käsidesit ja maskit. Jos sattuu ruuhka-aikoja, niin rajjaama sisäläolijoitten määrää. Tervetuloa kauempaaki! Kyläyhistyksen jäsenet saavat ittelensä uuestikätettävät kasvomaskit Joulupuotista. Käykäähän hakemassa omanne! Jos haluat saaha omia käentöitä myynthiin, soita Laurale […]

Vappumunkit

Turtolan Koulunmäki Torniontie 148, Turtola

Leivothaan munkkeja sulleki!

Turtolan kevätpäivä

Turtolan Koulunmäki Torniontie 148, Turtola

Alotamma aamupäivästä vaphaasseen aikatauhluun tienvarsien siistimisen ja Koulunmäen pihan harkkauksen. Klo 13 tarjoamma talkooväele jotaki suuhunpantavaa Koulunmäen laavula ja piämä samala kevätkokkouksen. Lopuksi halukhaat saapii pienissä ryhmissä käyä kiertämässä sisälä ja tutustua keittiö-hankheen tuloksiin ja suunnitelthuin remonthein. Tervetuloa!

Pihakirppis

Turtolan Koulunmäki Torniontie 148, Turtola

Säävarauksella pihakirppis. Myyjät saapii vaphaasti tulla paikale ilman ennakkoilmottautumista. Paikkavuokra 5€ perithään Koulunmäelä. Kyläyhistys myypii arpoja, kahvia, pullaa ja paikanpäälä leivottua rieskaa.

Onkikilpailu

Nahkurin puisto

Onkimestaruus ratkeaa jälheen Nahkurin puistossa Turtolan keskikylälä heinäkuun 15. pv tuorestaina. Omat sarjat lapsile ja aikusille. Ilmottautumisia otethaan vasthaan klo 17 alkaen ja siimat laskethaan vetheen klo 18. Myynnissä pientä purtavaa ja arpoja. Kaikki lapset palkithaan ja aikusten mestarin nimi kaiverrethaan kunniakhaasseen kiertopalkinthoon. Tervetuloa sankoin joukoin myös kannustamhaan!