Jatkama koulukeskustelua kaffikupposten äärelä nyt torstaina kello 12-14 ja viikon päästä torstaina klo 18-20. Tulkaa ideoihmaan koulule miten voisima kerätä tulot kulujen kattamisheen ja saaha kaikki kynnele kykenevät matkhaan yhteisseen tekemisseen. Paikala Iina Askonen Outokairasta kertomassa hankeasioista. Tarvima sinutki fölhjyyn, että voima onnistua!
Kouluinfo 5.4. torstaina klo 18
Riittääkös sulla turtolalaisena tahtoa ja innokkuutta talkoilla sen puolesta, että koulu saatais kyläläisten omistuksheen ja käythöön?
Kunta on ilmottanu halukkuuestansa myyä Turtolan koulukiinteistö. Kylän yhteisöllisyyen ja kyläläisten yhteisten tekemisten kannaltahan oma kokkoontumispaikka on äärimmäisen tärkeä. Aivan ilman mithään sie ja met kaikki yhessä emmä sitä kuitenkhaan saa piettyä. Kustannusten kattamisheen tarvithaan kovasti yhessä tekemistä ja hyviä ansaintaideoita – koko kylän voimin.
Kunta on ilmottanu halukkuuestansa myyä Turtolan koulukiinteistö. Kylän yhteisöllisyyen ja kyläläisten yhteisten tekemisten kannaltahan oma kokkoontumispaikka on äärimmäisen tärkeä. Aivan ilman mithään sie ja met kaikki yhessä emmä sitä kuitenkhaan saa piettyä. Kustannusten kattamisheen tarvithaan kovasti yhessä tekemistä ja hyviä ansaintaideoita – koko kylän voimin.
Tule sieki kuulemhaan koulukiinteistön osthoon liittyvistä asioista torstai-iltana. Mukana vt kunnanjohtaja Johanna Korteniemi, kunnanhallituksen pj. Kaisu Laitamaa sekä kunnaninsinööri Esa Kassinen. Keitämä kahvit!
Joulutervehdys Turtolasta
dav
Joulupuoti Turtolan koulula 16.-17.12. ja Joululauluja seurakuntakotila 13.12.
La 10-16, Su 10-17
Tule hakehmaan käsityönä valmistettuja lahjoja pukinkonthiin ja joulupöythään herkkuja! Piämä pannun kuumana ja valmistamma vähän joulunmakujaki kylkheen. Paikala myös kirppistuotheita.
Pöytävarraukset tuotheitten myyjile ja lissää informaatiota primhauttamalla 040-8347139/Marja-Leena tai 0400-694583/Laura.
Tervetuloa viettämhään mukavat päivät meän kans ja valmistautumhaan Jouhluun! Tonttu tavattavissa klo 13 – 15.
Joulutunnelhmaan pääsee virittäytymhään ens keskiviikkona 13.12. Laulama joululauluja yhessä juoksenkilaisten kans Turtolan seurakuntatalola klo 17. Saatavana joulupuuroa ja soppaa sekä torttukahvit.
Jokijuhla meän vappaan Väylän kunniaksi
Ko nyt menet vielä joen ranthaan, niin saatat nähä sielä kelluvat roihut. Kamehraan niitä en osannu kunnola vangita, mutta toivottavasti näistä kuvista pääset tunnelhmaan ja pienelä mielikuvituksela pystyt tulet sinne kuvittelehmaan, jos et paikale pääse.
Koulula meilä oli taas mukava juhla. Väylä yhistää meät ruottin puohleen ja vastarannala asuhviin, vaikka välilä se on keinotekosen rajan muo’ossa meät erottanukki. Kieli jota kummalaki puolela puhuthaan, meänkieli, kuitenki lujittaa meän samanlaista identiteettiä. Tämmösiä jäi mulle päälimäisenä miehleen kirjailija ja filosofian tohtori Bengt Pohjasen juhlapuhheesta Meän kieli, meän mieli, meän Väylä. Mukavan tunnelman loi myös Kaulasen Karin ja Välimaan Jussin säestämät musiikkiesitykset, muita esityksiä unohtamatta. Kyllä tämä Tornionjokilaakso vain on ainutlaatunen paikka!
Muuraissaaren kohala näky illala isompi valkea.
Kilpaongintaa Nahkurin Puistossa
Onkikilpailut saathiin piettyä, vaikka pahalta jo näytti ko koko päivän tuli vettä. Niin se vain siinä kuuen maissa heitti satamasta, että kolmattakymmentä onkea päästiin laskheen vetheen. Ja tulihan sitä kallaa! Voittajalle likemmäs kilon verran. Kiitos myös kannustusjoukoile!
Vaihtelevat kevätsäät
Tänhään on Väylälä jo kovasti liikettä.
Jäät alkaa antautumhaan
Joki alkaa paikoin auveta. Joku tiesi sanoa, että viime vuona jäät lähti 3. toukokuuta. Rantatörmälä oli jo uutta elämää!
Talkoomakkaran paistoa
Päivän hyvä työ on tehty ja tienvarret roskattomat. Kiitos mukana olheile!
Kevhään merkkejä
Kevät etenee tänä vuona verkkasesti. Tiistaina 16.5. piämä kuitenki kylänraitin siivoustalkoot ja kutuma samala kaikki kyläläiset koulun laavule seurustelheen makkaranpaiston merkeissä. Tarkemmin Tapahtumat-osiossa.