Keittiössä alkaa luutut heilumhaan maanantaina klo 11. Tervetuloa talkoissiin!

Tiistaina saama sitte alkaa klo 12 leipomhaan Joulumyyjäisiä aivan präniköilä keittiökonheila. Leipomisia jatkethaan aina perjantaihin asti. Sinneki pääsee kaikki halukhaat mukhaan omien aikataulujen rajoissa.

Mahdollisuuksia Turtolan Koulunmäelle -hankheessa päivitethään kylätaloa kyläläisten tarpheissiin. Hanke saapii Leader-avustusta Outokaira Tuottamhaan ry:ltä 60%.

Leader-rahotus varmistu Mahdollisuuksia Turtolan Koulunmäelle -hankheele. Alottelemma pikkuhiljaa keittiöremontista. Uusima keittiökonheita, hankima astiaston ja ruoanlaittovälihneet, toisen althaan, kaapiston, ym. tarpheellista.

Hankheesseen kuuluva lasten leikkialuheen aitaus on saatu tehtyä pihale ja lapsila on nyt turvallisempi alue käytössä.

Jos on talkoohaluja, niin kohta löytyy taas tekemistä. ☺️

Meän Opisto tarjoaa Turtolassa seuraavia kurssia:

Liikuntamix ke klo 19
Käsityöpaja Ti klo 17
Äijäjumppa To klo 17.30

KAIKENMAAILMAN KASSIT, PUSSIT JA KUKKAROT 23.1.2021
ÖLJYVÄRIMAALAUKSEN ALKEET 24.-25.10. ja 7.-8.11.2020

Ilmottauvu mukhaan! https://www.opistopalvelut.fi/ylitornio/

Kyläyhistyksestä saapii tilata itte leivotut vappumunkit ja siman ma 20.4. ilthaan mennessä. Laura 0400 694 583

Munkit 8 e / 10 kpl
Sima 2 e / litra (+pullo 0,5e ilman vaihtopulloa)

Herkut nouvettavissa Koulunmäen pihalta pe 24.4. klo 19-20. Kothiinkuljetus mahollista, ilmota tarpheesta varrauksen yhteyvessä. Varrauvuthan tasarahala.

Vaikka koronavirus on rajottanu toimintaa ja ihmisten liikkumista radikaalisti, on kyläyhistyksen hommia ollu riittämhiin. Siksi tänne nettisivuile päivitykset on tullu vähän myöhässä.

Jos käytät Facebookia, niin käy tykkäämässä Turtola – Tornionlaakson Helmi sivusta. Päivitämmä sinne matalammalla kynnyksellä tietoa ja tapahtumiaki sitte, ko net taas sallithaan. Nyt olema kaikki yhistyksen semmosen toiminnan laittanu tauole ja satsannu kauppa-aphuun, josta lissää edellisessä artikkelissa.

Mutta mikä meitä on työllistäny, on investointihanke, joka on eilen jätetty Outokaira Tuottamhaan ry:le. Olema hakemassa Leader-tukea keittiöremonttia varten ja vähän muuta pienempää tarvetta.

Hakemukseen sisällytethiin keittiön päivitys pitsauuneihneen (rieskan paistoki onnistuu) sekä 100 hengen astiastoihneen ja ruoanlaittovälihneihneen. Keittiöhän on ollu hyvin riisuttu versio, niin jouvuma hommaahmaan melkein kaikki alusta asti.

Lisäksi tarkotus olis rakentaa eteläpääthyyn kahvitteluterassi, kulku keittiöstä. Hommaama projektoria ja teollisuusimuria, ym. Lisäksi lissäämä lasten ulkoleikkialuheen turvallisuutta aijala ja avarramma juhlasalin ja kokoustilan välistä seinää ja laitama siihen nykyaikasemman verhon. Talkoita olis siis tiossa, katoma minkä kokosella porukalla se sallithaan. Ommaa rahhaa laitama jonku tonnin näihin investointhein.

No, kevätkokkousta siirrämä tieten kans siihen, ko kokkoontumiset taas sallithaan. Olhaanpa kuulola!